Saturday, May 13, 2017

සුද්දිට

කුසුම මගෙද මා නතුකර රස වින්ද
බඹරු නැතිද මා නැති තැන ලුහුබැන්ද
මුලා වුනිද මා නුඹටම පෙම් බැන්ද
කිලුටු කුසුම් පෙති දැක ඉන්නේ කෝම

සිපිරි ගෙදර රෑ දහවල නිදි මැරුව
නුඹෙ තනියට සිත දුවවිත් මුර කෙරුව
මා සතු අමිල රුවනක්වන් රුවැති ලඳ
මේ සිත් වහන් කොට වෙනතක ගියෙ කෝම

කාසි දිදුල දෑස නිලංකර උනි ද
නේක බඹරු මත් දළ විද සැඟවුනි ද
සළු පිලි අහර නැති දා නුඹ දුක් වී ද
මේසා ප්‍රේමයත් විගහින් දියවුනි ද

පානා සෙනේ ගස්සා නුඹ යන කලෙක
වාවා කෙලෙස විඳ සැනසෙන්නේ කෝම
ඕපාදූප දෑසින් දැක වියරු වැද
ඇන්නා සුද්දියේ හදමැද පිහි පහර

-රොමියෙල්-