විහඟුනේ නික්ම යනු
මේ කවුළු අද්දරින්
වලා අතරින් සැඟව
යනු දෑස් මානයෙන්
ප්රේම ගී මුතු පබළු
දමා සැඩ ගං මතින්
මේ පාළු මකන්නට
යලිදු මෙහි එනු සැනෙන්
හදේ විල් දිය කැළඹි
නැගී ආ දුක් රසෙන්
ප්රේමයේ රස අමා
වියැකිලා හදවතින්
මා ගයන වියෝ ගී
අමුණාල සීරුවෙන්
විහඟුනේ ගයනු මැන
මේ සවන් අද්දරින්
මේ ඉරත් සඳ තරුත්
හිනැහෙනා මානයෙන්
ඔහු ගෙවන නව දිවිය
නුඹ දකී මට හොරෙන්
මා සොවින් නිදන විට
ඔහු වෙතට නුඹ ගොසින්
නුඹේ පෙම් ගී ගයනු
ඇයත් තුටු වන ලෙසින්